الموسوعة الإسلامية

**mydream** · الأحد مارس 16, 2014 4:49 am

[size=32]بسم الله الرحمن الرحيم

السلام عليكم ورحمة الله وبركاتة

(يقال لصاحب القرآن: اقرأ وارقى ورتل كما كنت ترتل في الدنيا، فإن منزلتك عند آخر آية تقرأ بها)

[/size]

اخواتى الغاليات
اكيد كلنا نبحب نحفظ القران الكريم بس بنحتاج الى يشجعنا ويعاونا على الحفظ ويراجع معانا وهنا بامر الله حنكون صحبة فى طاعة الله نعين بعض على حفظ القران الكريم
نظام الحفظ
نظام الحفظ حيكون على اساس خطة حنمشي عليها بامر الله والخطة حيكون ليها بنود حفصلهالكم بند بند وهي :

الجدول

http://vb.3dlat.com/showthread.php?p...03#post1537003

نور القلوب لتحفيظ القران الكريم 344681enekawe25h

تجميع روابط تقارير الطلاب

http://vb.3dlat.com/showthread.php?p...04#post1537004

تجميع روابط واجبات الطلاب

http://vb.3dlat.com/showthread.php?p...07#post1537007

[size=24][size=24]

استفسارات وشكاوى الطلاب

http://vb.3dlat.com/showthread.php?p...08#post1537008

[/size][/size]
[size=24][size=24]

[/size][/size]

شوفو يا طلاب مجموعة نور القلوب لتحفيظ القران فكرة الموضوع زى ما قلنا هدفنا الاساسي هو حفظ القران الكريم بس علشان نحفظ بشكل سليم انا عملت خطة بمعنى حنمشي على اساس جدول الجدول دة حيكون كالتالى
السبت والاحد والاتنين والثلاثاء حفظ ايات من القران وزى ما قلتلكم انا حمشي على خطوة اضعف الايمان يعنى حناخد اقل قدر مش حنقول خمس ايات يومية لا حنقول اربع او خمس سطور كمان يلا كفاية عليكم علشان مفيش حد يقصر يا بنات ومش حنقول حنحفظ كل يوم لا انا خصصت ارع ايام بس للحفظ ويوم للتجويد وحيكون يوم الاربعاءبامر الله اما يوم الخميس فدة مخصصاة لدرس او خطبة تشجيعية طب واحدة حتقول واية لزمة الخطبة والتجويد حقولك التجويد علشان نحفظ بشكل سليم علشان ناخد اجر نطق الحرف كامل الى هو الحرف بعشر حسنات والحسنة عند ربنا بعشرة يعنى الحرف = 100 حسنة لا واية والله يضاعف الاجر لمن يشاء يعنى كرم من ربنا كتير فهل نقابل الكرم دة ببخل فى الحفظ او المعرفة وفى الاخر كلة ليكى
اما الخطبة يا بنات فدة لاننا محتاجين من وقت للتانى لحاجة تشجعنا وتعنا على نفسنا علشان نقدر نكمل يعنى محتاجين لجرعة تنشيط ايمانية
يوم الخميس كمان حناخد الواجب ودة حيكون على شكل تدريبات وحيكون فية جزء صغير للتفسير وجزء نونو للتجويد علشان بس اتاكد من ثبات المعلومة مش اكتر وحيكون فية اختبار شهرى على الحاجات الى خدناها طول الشهر وكل 3 شهور حيكون فية اختبار عام حنسمية اختبار ترم وعلى فكرة يا بنات انا عاملة هدية للى حتنتظم وتجيب اعلى دجة خلال الاسبوع وكل شهر عاملة مكافئة للى حتجيب اعلى درجة حبقى اقولكم عليها
دة نظام الجدول الى حنمشي علية
الرابط الى تحت البند الاولانى الى هو جدول دة فية جدول الشهر حينزل فى الموضوع دة الجدول الخاص بكل شهر للمعرفة وطبعا انا حنزلكم الجدول كل اول اسبوع

البند الثانى
تجميع روابط تقارير الطلاب
وهنا يا بنات حتكون المتابعة اليومية ليكم يعنى كل طالبة حتعمل موضوع زى بالطريقة العادية وحتيجى عند موضوع تجميع روابط تقارير الاعضاء حتعمل مشاركة عادية خالص وتنسخ الرابط فى المشاركة وبعدها حتكتبلى التقرير بتاعها يوميا فى الموضوع الى هية عاملاة ماشي يا قمراية
طييب التقرير دة كل واحدة حتكتبلى فية هية عملت اية يعنى حفظت الحفظ كامل ولا حفظت جزء وجزء لا ولو الحفظ ناقص تكتب السبب لية محفظتيش يا بطة وهنا مطلوب الامانة والصدق يا بنات لازم اما تقول حفظت تكون فعلا حفظت بشكل سليم

البند الثالث
ودة خاص بالواجبات الى حتاخدوها كل اسبوع حتعملو موضوع بنفس طريقة التقرير اليومى وبرضو حتنسخو الرابط فى مشاركة فى الموضوع الى انتى عاملاة وحتنسخى الاسئلة الى حكتبها وتبدئى تحليها وهنا يا بنات بعد اذنكم نحل الواجب بعد المراجعة انتى معاكى فرصة من الخميس لحد فجر يوم السبت بعدها مش حقبل واجب يعنى لحد نزول الدرس الجديد فهمانى يا قمر واى اختبار برضو حيتم حلة فى موضوع الواجب

البند الرابع والاخير
استفسارات وشكاوى الطلاب
دة حيكون خاص ليكى عندك اى شكوى اى حاجة مش فاهماها اى اعذار اى استفسار حتكتبية وانا حرد عليكى بامر الله

[center]
[size=32]طيب واحدة حتسال وتقول اية المطلوب منك
[/size]
[right][size=32]حقولك مطلوب منك
1_ اى حاجة ناخدها نحفظها كويس
2 - اى درس مكتوب حنقراة او اى صوتى حنسمعة
لازم يا بنات نهتم بالحاجات الى حنزلها بالله عليكم
3 - عدم الغياب الا لعذر ودة ليكم قبل ما يكون ليا لو غبنا حيتراكم الحفظ وحنكسل وحنترك بعدها بالله عليكى متسيبيش مدخل للشيطان
البنات الى حتغيب حزعل منها بجد انا والله لا انا فاضية ولا عندى وقت زيادة اضيعة لا والله انا عاملة الموضوع دة علشان خاطر اقابل ربنا بحاجة كويسة فعلشان خاطر ربنا قدرى تعبى معاكى و ساعدينى زى ما انا عاوزة اساعدك وحاولى انك تلتزمى ومتغيبيش حتى لو يوم محفظتيش المهم تحضرى علشان عزمتك متقلش بالله عليكى
4 - الامانة يا بنات والصدق يعنى الى حتقول حفظت تكون فعلا حفظت والى تبدا حل الواجب متغشش كانها فى امتحان بجد لازم كل واحدة تعرف مستواها فين وانا كمان علشان اقدر اساعدك لازم تساعدينى

طيب اكيد حتقولو هية اية الهدية حنقول هية هدية روحية بس حتنفعك قوى يعنى لا حقول حدى وسام ولا كدة لا الهدية حاجة تنفعك بامر الله
طب اية هية يا شيخة حيرتينا معاكى
طب خلاص حقولك يا ستى
الهدية البنوتة الى حتنتظم وتحفظ وتجيب اعلى درجة فى الواجب كلنا حندعلها لمدة يومين حتكتب هية محتاجة اية فى الدعاء وحندعلها بامر الله لا وكمان حنستغفرلها ربنا خمسين مرة لمدة يوم وطبعا يا بنات وقتها فعلا كلنا لازم ندعى ونطلب المغفرة للاخت دة بجد واهه يوم ليا ويوم ليكى ماشي يا قمر
طب واختبار الشهر دة بقا حندعلها لمدة يومين + حنستغفرلها 50 مرة لمدة يومين + حطلع صدقة سرية باسمها بامر الله

والمكافئة بقا لكل بنت تجيب معاها اخت تشارك دة حيكون لها اجر عند ربنا كبير + مكافئة لسة ححددها بامر الله [/size]

[/right]
[/center]

المصدر: منتديات الياس عيساوي

Google	Yahoo	Msn	Gmail	Translate	Youtube	vBulletin	Imageshack	Zshare	Maktoob
Hack	Codes	Script	Support	Styels	Logo	Psd	Php	Html	Learn
Product	PhotoShop	Flash	أكواد	سكربت	ستايلات	شعارات	برمجة	تصميم	تعليم
برامج	إضافات	تطوير	دعم فني	ألعاب	فوتوشوب	فلاش	القرآن	فيديو	إسلامي

الموسوعة الإسلامية

منتدى: تحفيظ القرآن الكريم

مواضيع ذات صلة